Turkiya, Misr va Isroil G‘azo sektoridan yaradorlarni evakuasiya qilish uchun muvofiqlashtiruvchi guruh tuzdi.
Bu haqda Turkiya sog‘liqni saqlash vaziri Faxriddin Ko‘ja “X” sahifasida ma’lum qildi.
Uning so‘zlariga ko‘ra, u Misrdan kelgan hamkasblari bilan muzokaralar olib borgan.
Vazir G‘azodagi Turk-Falastin Do‘stlik kasalxonasidan Misrdagi kasalxonalarga onkologik bemorlarni, birinchi navbatda bolalarni olib o‘tish borasida erishilgan kelishuvga e’tibor qaratdi: "Turk tibbiyot xodimlari G‘azodan kelgan bemorlarni misrlik hamkasblari bilan birga davolaydi. Ikkinchi bosqichda ahvoli imkon bergan bemorlarni Turkiyaga samolyotda jo‘natish rejalashtirilgan".
