Liviya poytaxti Tripolida Milliy yarashuv hukumati bilan Prezidentlik kengashiga bo‘ysunuvchi "Rada" qurolli guruhi o‘rtasida bir necha oy davom etgan ziddiyat Turkiya vositachiligida yakunlandi.
Muhim muzokaralar Turkiya Milliy razvedka tashkiloti (MİT) rahbari Ibrohim Kalinning 4 iyun kuni Tripoliga qilgan tashrifidan so‘ng faollashdi. Turkiya tomonidan ichki tomonlar bilan ko‘p qirrali muloqot olib borildi.
❕ 13 sentyabr kuni Turkiya vakillari rahbarligidagi muzokaralar natijasida tomonlar to‘qnashuvlarni to‘xtatish bo‘yicha kelishuvga erishdilar.
Mojaro 2025 yil may oyida Tripolida Milliy yarashuv hukumati kuchlari bilan "Rada" qurolli guruhi o‘rtasida boshlangan edi. 12 may kuni o‘q uzishni to‘xtatish haqida e’lon qilingan bo‘lsa-da, maydan sentyabrgacha siyosiy kelishmovchiliklar bartaraf etilmadi va shaharda harbiy kuchlar ko‘payishda davom etdi.
Turkiyaning faol diplomatik harakatlari orqali 13 sentyabrda tinchlik va o‘zaro tushunishga erishildi. Bu nafaqat Tripolining barqarorligi, balki Liviyadagi umumiy tinchlik jarayoni uchun ham muhim qadam hisoblanadi.
Kamchatkada dahshatli zilzila sodir bo‘ldi (video)
7 kilo oltinni 5 ming dollar evaziga chegaradan o‘tkazib bermoqchi bo‘lgan bojxonachi ushlandi
AQSh Xitoy bilan munosabatlarini tiklash uchun yana bir ittifoqchisini "chopdi"
