Turkiya Isroilni ogohlantirdi

Turkiya Isroilni HAMASni Falastin hududi tashqarisida, jumladan Turkiyada ham qo‘lga olishga urinsa, bu “jiddiy oqibatlarga” olib kelishi mumkinligidan ogohlantirdi. Bu haqda dushanba kuni Turkiya razvedka xizmatining anonim xodimiga tayanib, Reuters xabar berdi.

“Suhbatdoshlarimizga Isroil rasmiylarining bayonotlari asosida tegishli ogohlantirishlar berildi va Isroilga bunday harakatlar jiddiy oqibatlarga olib kelishi aytildi”, — deya Turkiya razvedkachisining so‘zlaridan iqtibos keltirgan Reuters agentligi.

O‘tgan hafta Amerika matbuoti Isroil razvedkasining xorijda yashovchi HAMAS yetakchilarini yo‘q qilish rejalari haqida xabar bergan va yakshanba kuni Isroilning jamoat televideniyesi Kan Shin Bet ichki xavfsizlik boshlig‘i Ronen Barning Isroil Turkiya, Qatar va Livanda yashovchi HAMAS a’zolarini hatto yillar talab qilsa ham qo‘lga olishini aytgan yozuvini e’lon qilgan. Yozuvda Bar buni qachon va kimga aytgani aniq emas.