Isroilning Yaqin Sharq mintaqasidagi tajovuzkor harakatlari uning "bosqinchilik ruhiyatini" aks ettiradi. Bu haqda Turkiya Mudofaa vazirligi rahbari Yashar Gyuler ma’lum qildi.
"Isroil mintaqada agressiyani kuchaytirib, o‘zining okkupasion mentalitetini namoyish etmoqda. [BMT] shu paytgacha qabul qilgan qarorlariga qaramay, Isroil mintaqadagi noqonuniy harakatlarni, begunoh fuqarolarni, birinchi navbatda, bolalarni ommaviy ravishda o‘ldirishni va falastinliklarga nisbatan davlat terrorchilik siyosatini davom ettirmoqda," - deya Turkiya vazirining so‘zlarini keltirmoqda TRT Haber telekanali.
Uning so‘zlariga ko‘ra, Isroilning yaqinda Livanga hujumi va Eron bilan munosabatlardagi keskinlik butun Yaqin Sharqning tartibsizlikka tushib qolish xavfini kuchaytirgan. "Ular, shuningdek, Isroilning hujumlari G‘azo bilan cheklanmay, butun mintaqaga tarqalishi haqidagi xavotirlarimiz qanchalik asosli ekanligini ko‘rsatdi. Isroilning Golan tepaliklari hududidagi yashil chizig‘ini bosib olishi va uning Damashqqa hujumi bu masalada bizning haqligimizning so‘nggi tasdig‘i bo‘ldi," - dedi Gyuler.
Turkiya Mudofaa vazirligi rahbari xalqaro hamjamiyat Isroilga qarshi imkon qadar tezroq aniqroq choralar ko‘rishi kerakligini aytdi. "Shuni yana bir bor ta’kidlashni istardimki, 1967 yil chegaralarida Sharqiy Quddusda poytaxti bo‘lgan suveren, mustaqil va geografik jihatdan integratsiyalashgan Falastin davlatining tashkil etilishi Yaqin Sharqda mustahkam tinchlik va barqarorlikning zaruriy shartidir," - dedi u.
Ukraina dushman uchun «Jahannam» tayyorladi
Rossiya Ukrainadan yerlarini qaytarib olganini e’lon qildi
Qo‘shma Shtatlar Rossiyaga qarshi bayonot bilan chiqdi
