Turkiya prezidenti Rajab Toyyib Erdo‘g‘anning rafiqasi Emine Erdo‘g‘an Turkiyaning ittifoqdoshlariga prezidentlik saylovlarida ko‘rsatgan yordami uchun minnatdorchilik bildirdi.
“Barqarorlikka, buyuk va kuchli Turkiyaga ishonch belgisi sifatida ovoz bergan barcha fuqarolarga minnatdorchilik bildiramiz. “Turkiyaning 100 yilligi” konsepsiyasini 85 million turk fuqarosi bilan birgalikda amalga oshirmoqdamiz. Bizni qo‘llab-quvvatlagan va muvaffaqiyatimizga hissa qo‘shgan har bir hamkasbimga minnatdorchilik bildiraman. Yurtdoshlarni Turkiyaning 100 yilligi boshlanishi bilan tabriklayman”, — deb yozdi Erdo‘g‘an xonim ijtimoiy tarmoqdagi sahifasida.
