Turkiya hukumati 2023 yilda eng kam ish haqini bir yarim baravarga - 5,5 ming turk lirasidan 8,5 ming liragacha oshiradi. Bu haqda mamlakat prezidenti Rajab Toyyib Erdo‘g‘on ma’lum qildi, deya xabar beradi "TASS".
Valyuta kurslariga ko‘ra, bu miqdor 455 AQSh dollarni tashkil etadi.
Erdo‘g‘on dekabr oyida narxlarning ko‘tarilishi pasayib, kelasi yil oxirigacha 20 foizgacha bo‘lishiga ishonch bildirdi.
Rasmiy ma’lumotlarga ko‘ra, Turkiyada yillik inflyasiya noyabr oyida 84,4 foizga yetdi, bir oy oldingi 85,5 foizdan biroz pastroq. Erdo‘g‘onning iqtisodiy siyosatini tanqid qiluvchilarni o‘z ichiga olgan mustaqil inflyasiya tahlil guruhi bunday hisob-kitoblarga qo‘shilmaydi: ular mamlakatda narxlar o‘sishini 170,7 foizga baholamoqda.
So‘nggi yillarda Turkiya rahbari inflyasiyaga qarshi kurashish maqsadida asosiy stavkani pasaytirish siyosatini olib bormoqda. Erdog‘an bu parametrlar bevosita bog‘liq bo‘lgan muqobil iqtisodiy nazariya tarafdoridir. Aksariyat iqtisodchilar milliy valyutaning qadrsizlanishi bilan kechadigan teskari munosabat haqida gapirishadi.
2021 yil oxirida Turkiya prezidenti inflyasiya bir necha oy ichida pasaya boshlaydi, lira esa ko‘tariladi, deb va’da bergan edi. Biroq so‘nggi bir yil ichida turk valyutasi o‘z qiymatining chorak qismini yo‘qotdi. Moliya bozori ishtirokchilari o‘rtasida o‘tkazilgan so‘rov natijalariga ko‘ra, Turkiya yilni bir dollar uchun 18,78 liradan yakunlaydi.
Shunga qaramay, Turkiya hukumati asosiy stavkani pasaytirish siyosatini davom ettirmoqda. Noyabr oyida Markaziy bank parametrni 1,5 foiz punktga tushirib, to‘qqiz foizga tushirdi.
