Turk Qizil Yarim Oy jamiyati G‘azo aholisiga iftorlik uyushtirmoqda

Turk Qizil yarim oy jamiyati vayron bo‘lgan uy vayronalari ostida iftorlik qilayotgan bir oilaning suratlari bilan bo‘lishdi.

Turk Qizil Yarim oy jamiyati tomonidan e’lon qilingan bayonotga ko‘ra, G‘azodagi gumanitar inqirozni yumshatish uchun yordam harakatlari davom etmoqda.

Shu munosabat bilan Ramazon oyida G‘azoga xizmat ko‘rsatadigan oshxona sig‘imi oshirilib, kuniga 30 ming kishiga yetdi.

G‘azo shimolidagi Rimal va Deyr Belah hududlari bilan janubdagi tarqoq Xon Yunus va Rafah aholi punktlarida iftorlik dasturxoni uyushtirgan Turk Qizil yarim oy jamiyati, asosiy oshxona ehtiyojlarini qondirish uchun 50 ming oziq-ovqat paketi tarqatmoqda.

Turk Qizil Yarim Oy jamoalari, vayronalarga aylangan uylarida ko‘plab oilalarning iftorlik taomlari tarqatishda davom etganiga guvoh bo‘ldi.

Ular orasida G‘azo janubidagi Xon Yunus hududidagi to‘qnashuvlar natijasida uyi vayronalarga aylangan Abu Amun oilasi ham bor. Turk Qizil Yarim Oy jamiyati tomonidan taqdim etilgan suratlarda besh kishilik oila vayronalar orasida qurgan dasturxonda iftorlik qilayotgani aks etgan.