To‘qayev Sholsni Rossiyani jang maydonida mag‘lub etish mumkin degan fikrdan voz kechishga chaqirdi

Qozog‘iston rahbari Sholsni Xitoyning tinchlik rejasini qo‘llab-quvvatlashga chaqirdi.

Qozog‘iston prezidenti Qosim-Jo‘mart To‘qayev Germaniya kansleri Olaf Sholsni Rossiyani jang maydonida mag‘lub etish mumkin degan fikrdan voz kechishga va Xitoyning Ukraina bo‘yicha tinchlik rejasini qo‘llab-quvvatlashga chaqirdi.

«Rossiyani harbiy ma’noda mag‘lub etib bo‘lmasligi haqiqat», dedi To‘qayev Ostonada Sholsga.

«Urushning yanada avj olishi butun insoniyat va birinchi navbatda Rossiya-Ukraina mojarosiga aloqador davlatlar uchun tuzatib bo‘lmaydigan oqibatlarga olib keladi», — deya qo‘shimcha qildi u.

Shols diplomatik jihatdan bu fikrga qo‘shilmadi va Germaniya Ukrainani Rossiya bostirib kirgani uchun qo‘llab-quvvatlashini aytdi. «Mamlakat o‘zini himoya qilishi, o‘z yaxlitligi va suverenitetini himoya qilishi uchun shunday bo‘ldi va shunday bo‘lib qolaveradi», dedi u.

DW nashrining ta’kidlashicha, «Qozog‘iston o‘zining sobiq sovet xo‘jayini Rossiyaning yaqin ittifoqchisi bo‘lib qolmoqda. Biroq Ostona hukumati mojaroda tarafkash bo‘lmadi yoki Moskvaning Ukrainaning ayrim hududlariga da’volarini qo‘llab-quvvatlamadi».