Transyog‘lar iste’moli infarkt va insultni keltirib chiqarishi mumkin

Hozir gap yoshlar orasida ommalashgan fast-fud, yarim tayyor mahsulotlar, qovurilgan kartoshka frisi, chips va turli qandolatlar iste’moli haqida ketmoqda.

JSST ma’lumotiga ko‘ra, bunday taomlardagi transyog‘lar qonda zararli xolesterin miqdorini oshiradi. Past zichlikdagi lipoproteinlar qon tomirlari devorida tiqin hosil qilib, ularni toraytiradi.

Natijada organizmda qon aylanishi buziladi va bu infarkt, insult hamda o‘pka arteriyasi tromboemboliyasi kabi xavfli kasalliklarga olib kelishi mumkin.

Sog‘liqni saqlash vazirligi matbuot xizmati