AQShning yangi saylangan prezidenti Donald Tramp o‘zining sobiq iqtisodiy maslahatchisi Kevin Xassett nomzodini Oq uyning Milliy iqtisodiy kengashi rahbarligiga ko‘rsatdi, deb yozadi TASS.
“Xassett amerikalik oilalarga Bayden ma’muriyati sabab bo‘lgan inflyasiyadan xalos bo‘lishga yordam beradi. Birgalikda biz Qo‘shma Shtatlar o‘tmishda o‘z manfaati uchun foydalangan adolatli savdo aloqalarini ta’minlaymiz. Kevin, shuningdek, Amerika xalqining farovonligini ta’minlash bilan birga, yangi va eski ittifoqchilarimiz bilan iqtisodiy munosabatlarimizni mustahkamlashda muhim rol o‘ynaydi", - dedi Trampning muvaqqat guruhi seshanba kuni e’lon qilgan bayonotda.
2019 yilning iyunigacha Xassett AQSh prezidenti huzuridagi Iqtisodiy maslahatchilar kengashining raisi bo‘lgan. Bu organ Amerika rahbariga ichki va xalqaro iqtisodiy siyosat masalalari bo‘yicha maslahat beradi. 2020 yilda Xassett Oq uyga Trampning katta maslahatchisi sifatida qaytdi.
Bloomberg ma’lumotlariga ko‘ra, Xasset o‘zining yangi lavozimida yangi ma’muriyatning tariflar, savdo va davlat xarajatlari bo‘yicha qarorlarini boshqarish, shuningdek, AQSh moliya vaziri bilan yaqin hamkorlik qilish uchun javobgar bo‘ladi. Tramp o‘tgan haftada bu lavozimga investor Skott Bessent nomzodini ilgari surgan edi.
Isroil niqobini yechdi
Shols rus «Oreshniki» dan qo‘rqib ketdi
Fransiya ham ochiqchasiga Rossiyaga qarshi bosh ko‘tardi
