Trampning bayonotlari "o‘ta jiddiy", biz ularni tahlil qilishimiz kerak — Rossiya prezidenti matbuot kotibi

"AQSh prezidentining bayonotlari juda jiddiy. Ulardan ayrimlari bevosita prezident Putin nomiga qaratilgan. Albatta, Vashingtonda aytilgan gaplarni tahlil qilishimiz uchun vaqt kerak", — dedi Dmitriy Peskov.

Uning aytishicha, agar Vladimir Putin "zarur" deb hisoblasa, Donald Trampning bayonotlariga izoh beradi.

Peskov, shuningdek, G‘arb nashrlarida tarqalgan, Tramp Zelenskiydan Moskva va Sankt-Peterburgga zarba berish imkoniyati haqida so‘ragani haqidagi xabarlarga ham munosabat bildirdi.

"Bunday ritorika yangilik biz uchun emas. Odatda bularning hammasi yolg‘on bo‘lib chiqadi", — dedi Kreml matbuot kotibi.

Shuningdek, u Medinskiyning lavozimi Rossiya amaldorlarining xizmat darajasi jadvaliga ko‘ra vazirlik darajasidan yuqori ekanini ta’kidladi.

"Na Vashingtonda, na Yevropada, na NATO'da Rossiya hokimiyat tizimidagi de-fakto va de-yure holatni tushunishga intilishmoqda", — dedi Peskov.