Trampning bayonotiga javobmi? Eron generalining murosasiz pozisiyasi

Eron general-mayori Ali Abdullohiy Aliobodiy mamlakat armiyasi «to‘liq g‘alabagacha» jang qilishini ma’lum qildi.

Bu haqda Associated Press nashri yozmoqda.

Jurnalistlar harbiyning ushbu so‘zlarini AQSh Prezidenti Donald Trampning Vashington va Tehron o‘rtasidagi muzokaralar haqidagi bayonotiga javob sifatida qabul qilishdi.

«General «to‘liq g‘alaba» deganda aynan nimani nazarda tutganiga aniqlik kiritmadi, ammo, aftidan, Eron harbiylari Qo‘shma Shtatlar bilan bo‘lishi mumkin bo‘lgan har qanday muzokaralarda yon berishlardan ogohlantirishga uringan», — deyiladi nashrda.