Islom inqilobi qo‘riqchilari korpusi (IIQK) mintaqadagi Amerika bazalariga zarba berish uchun birinchi marta "Zulfiqor" qattiq yoqilg‘i ballistik raketalaridan foydalanganini e’lon qildi.
Bu haqda Mehr nashri IIQK bayonotiga tayanib xabar tarqatdi.
"Haqiqiy va’da 4" operasiyasi doirasida 76 va 77-to‘lqinlardagi hujumlar paytida IIQK mintaqadagi Amerika manfaatlari va bazalariga zarba berish uchun birinchi marta qattiq yoqilg‘ida ishlaydigan "Zulfiqor" raketalaridan foydalangan", deyiladi bayonotda.
Ma’lumotlarga ko‘ra, raketalar Al-Dhafra (BAA), Viktoriya (Iroq), AQShning 5-floti shtab-kvartirasi (Bahrayn), Ali As-Salim (Quvayt) va Al-Xarj (Saudiya Arabistoni)dagi Amerika bazalariga "muvaffaqiyatli zarba bergan".
"Zulfiqor" - bu Eronning bir bosqichli, qattiq yoqilg‘ida ishlaydigan, qisqa masofali ballistik raketasi bo‘lib, 300-700 km masofadagi nishonlarga zarba berishga qodir.
Ommaviy ma’lumotlarga ko‘ra, ba’zi modellar elektro-optik yo‘naltirish tizimlari bilan jihozlangan bo‘lib, operatorlarga nishonlarga oxirgi yaqinlashish paytida raketalarni boshqarish imkonini beradi.
Eronda 19 yoshli sportchi dorga osib qatl etildi
Eron AQShning F-35ga qanday raketa bilan zarba berganini ko‘rsatdi
Eron Trampning Hormuz bo‘g‘ozini ochish haqidagi ultimatumiga javob berdi
