Tramp Xitoy bilan qarama-qarshilikdagi ohangini yumshatdi, bu esa uning maslahatchilari orasida xavotir uyg‘otmoqda — Bloomberg

Agentlikning yozishicha, bu haftada xavotirlar yanada kuchaygan, chunki Qo‘shma Shtatlarning ilgari Xitoy bilan munosabatlarda belgilagan “qizil chiziqlari” endi muzokaralarga ochiqdek ko‘rinmoqda.

Bloomberg, shuningdek, Nvidia kompaniyasiga o‘zining H20 chipini Xitoyga yana sotishni davom ettirishga ruxsat berilganini qayd etgan.

Bir qator yuqori lavozimli amaldorlarning aytishicha, bu qaror Vashingtonning asosiy Amerika texnologiyalarini Pekinga yetkazib berishni oldini olishga qaratilgan rasmiy siyosatiga zid hisoblanadi.