Tramp o‘zining dunyo yetakchilari bilan saylovdan keyingi suhbatlari haqidagi videosini e’lon qildi

Tramp Truth Social ijtimoiy tarmog‘idagi sahifasida o‘zining dunyo yetakchilari bilan saylovdan keyingi suhbatlari haqidagi videoni e’lon qildi

Unda Rossiya prezidenti Vladimir Putin bilan suhbat haqida hech qanday ma’lumot qayd etilmagan.

Avvalroq The Washington Post va Reuters Tramp hamda Putinning telefon orqali gaplashgani haqida yozgandi. Kreml esa G‘arb ommaviy axborot vositalarining Rossiya rahbari va Amerikaning bo‘lajak prezidenti o‘rtasidagi telefon suhbati haqidagi xabarlarini inkor qildi.

Trampning matbuot xizmati Putin bilan telefon muloqoti haqidagi xabarni na tasdiqladi, na inkor qildi.