Erdo‘g‘on Rossiya va Xitoyni nega olqishladi?

Turkiya rahbarining so‘zlariga ko‘ra, «agar qurol-yarog‘ va o‘q-dorilar yetkazib berish davom etsa, Isroil tobora tajovuzkor bo‘ladi».

Turkiya Rossiya va Xitoy Isroilga qarshi qurol embargosi joriy etish tashabbusini imzolaganini juda muhim deb biladi, dedi Prezident Rajab Toyyib Erdo‘g‘on.

«Xitoy ham, Rossiya ham Isroilning hujumlarini adolatsiz va noqonuniy ekanini aytdi. Shuningdek, ular hujumlarni to‘xtatish va masalani diplomatik yo‘l bilan hal qilish zarurligi haqida gapirishmoqda. Rossiya va Xitoy BMTni ta’minotni to‘xtatish choralarini ko‘rishga chaqirib, bizning qo‘shma tashabbusimizni imzoladilar. Isroilga qurol-yarog‘ va o‘q-dorilar yetkazib berish muhim qadamdir”, — dedi Erdo‘g‘on Saudiya Arabistoni va Ozarbayjonga tashrifidan so‘ng.

Uning so‘zlariga ko‘ra, Isroil «agar qurol-yarog‘ va o‘q-dorilar yetkazib berish davom etsa, tobora tajovuzkor bo‘lib boradi».

«Isroil to‘xtatilmasa, Falastin va Livandagi gumanitar vaziyat kundan-kunga yomonlashishda davom etadi. Gumanitar yordamlar tekin yetkazilmas ekan, u yerda har kuni odamlar dori-darmon etishmasligi, ochlik, tashnalik va shafqatsiz hujumlar tufayli halok bo‘ladi", - deydi Erdog‘an.