Tramp o‘z prezidentlik muddatining birinchi kunida migrasiya siyosatini qat’iylashtirish va chegaralarni mustahkamlash bo‘yicha choralarni amalga oshirishni rejalashtirmoqda

AQSh saylangan prezidenti Donald Tramp o‘z prezidentlik muddatining birinchi kunida 100 ta farmonidan aksariyatini, jumladan, migrasiya siyosatini qat’iylashtirish va chegaralarni mustahkamlash bo‘yicha choralarni amalga oshirishni rejalashtirmoqda, deb xabar beradi Associated Press agentligi.

Avvalroq, Axios portali manbalariga tayangan holda, Tramp respublikachilar senatorlari bilan uchrashuvda 100 ta farmondan iborat katta rejani taqdim etgani haqida ma’lum qilgan edi. Ularning ko‘pchiligi migrasiya siyosatini qat’iylashtirish va chegaralarni mustahkamlashga qaratilgan.

Ma’lum qilinishicha, asosiy tashabbuslardan biri pandemiya davrida joriy qilingan Title 42 qonunini tiklash bo‘ladi. Ushbu qonun muhojirlarni boshpana so‘rovlari ko‘rib chiqilmasdan tezda deportasiya qilishga imkon bergan.