AQShning sobiq prezidenti Donald Tramp suiqasd paytida o‘zini xavfsiz his qilganini aytdi. U o‘zining ahvoli haqida Respublikachilar kongressida gapirdi, deb xabar beradi «RIA Novosti» .
Siyosatchining ta’kidlashicha, o‘sha paytda «Xudo uning tarafida edi», shuning uchun otishma va yaralanganiga qaramay, u o‘zini butunlay xavfsiz his qildi. Trampning so‘zlariga ko‘ra, u «qattiq hushtak ovozi»ni eshitib, qulog‘iga zarba kelganini sezganida, bu faqat o‘q bo‘lishi mumkinligini darhol anglagan va shundan so‘ng u darhol «erga uloqtirilgan».