Tramp siyosati Lotin Amerikasidagi AQSh ta’sirini zaiflashtirishi mumkin

AQSh prezidenti Donald Trampning Kanada va Lotin Amerikasi mamlakatlariga nisbatan bosim va tahdid siyosati Amerikaning mintaqadagi ta’sirining pasayishiga olib kelishi mumkin.

Bu fikr Foreign Affairs jurnalidagi maqolada bildirilgan.

Braziliya universiteti Jetuliu Vargasa jamg‘armasi qoshidagi Xalqaro munosabatlarni o‘rganish markazi rahbari Matias Spektorning fikricha, Trampning taktikasi hamkorlarning qisqa muddatli yon berishlariga olib kelishi mumkin, ammo Vashingtonning uzoq muddatli yetakchiligini ta’minlay olmaydi.

"Tramp ko‘p narsani talab qiladi, lekin buning evaziga kam taklif qiladi. Uning tahdidlari va qo‘rqitishlari barqaror yetakchilik uchun asos bo‘la olmaydi", - deya qayd etadi ekspert.

Maqolada qayd etilishicha, Lotin Amerikasining bir qator davlatlari allaqachon Xitoy bilan iqtisodiy aloqalarni rivojlantirishga kirishib, AQSh bilan an’anaviy munosabatlarni zaiflashtirgan. Xususan, Kanada Yevropa Ittifoqi va Osiyo mamlakatlari bilan savdo hamkorligini kengaytirsa, Argentina va Braziliya Pekin bilan aloqalarni mustahkamlamoqda.

Avvalroq Vashington Kanada va Meksikadan import qilinadigan mahsulotlarga 25 foizlik bojlar joriy qilgan, shuningdek, Xitoy tovarlariga bojlarni 10 foizdan 20 foizga oshirgan edi. Tramp, shuningdek, yangi tariflarni 2 aprelgacha vaqtincha kechiktirish to‘g‘risidagi buyruqni imzoladi va bundan keyin hech qanday yengillik bo‘lmasligini ta’kidladi.

Tramp, shuningdek, Kanada, Grenlandiya va Panama kanalini o‘z ichiga olgan holda mamlakat chegaralarini kengaytirish niyatida ekanligini ma’lum qildi. Uning fikricha, Kanadaning AQShga kirishi o‘z fuqarolari manfaatlariga mos keladi va Panama kanali Xitoy ta’siridan xalos bo‘lishi kerak.