Tramp Si Szinpin bilan sammitda uchrashishini va Xitoyga tashrif buyurishini bildirdi

Tramp Si Szinpin bilan "ajoyib va samarali" telefon muloqoti o‘tkazgani haqida ma’lum qildi

AQSh prezidentining so‘zlariga ko‘ra, ular ko‘plab muhim masalalarda, jumladan savdo, fentanil muammosi, Rossiya va Ukraina urushini to‘xtatish zarurati hamda TikTok bo‘yicha kelishuvni muhokama qilishgan.

Tramp, shuningdek, Si Szinpin bilan Janubiy Koreyada o‘tadigan Osiyo-Tinch okeani iqtisodiy hamkorlik tashkiloti sammitida (31 oktyabr — 1 noyabr) uchrashishga kelishib olishganini va keyingi yilning boshida Xitoyga tashrif buyurishini bildirdi.