AQSh prezidenti Donald Tramp Vashington Rossiya va Xitoy bilan dunyoda eng ko‘p yadroviy qurol zaxiralariga ega davlatlarni qurolsizlantirishga qaratilgan muzokaralar olib borayotganini ma’lum qildi.
Stokgolm xalqaro tinchlik tadqiqotlari instituti (SIPRI) ma’lumotlariga ko‘ra, yadroviy kallaklar soni bo‘yicha Rossiya birinchi o‘rinda turadi. Keyingi o‘rinlarda AQSh va Xitoy keladi. Biroq joylashtirilgan yadroviy kallaklar soni bo‘yicha AQSh Rossiyadan oldinda.
Tramp Newsmax telekanaliga bergan intervyusida Xitoy kelgusi besh yil ichida yadroviy salohiyat bo‘yicha AQShga «etib olishi» mumkinligini aytdi.
«Butun bu vaziyat juda achinarli, chunki imkoni bo‘lsa, men yadroviy qurolsizlanishni amalga oshirishdan mamnun bo‘lardim. Hozir esa bu masalani Rossiya bilan haqiqatan ham muhokama qilyapmiz, Xitoy bilan ham yadroviy qurolsizlanish haqida gaplashyapmiz», — dedi Tramp.
Newsmax xabar berishicha, Tramp bu masalani Xitoy rahbari Si Szinpin bilan ham muhokama qilgan.
Amerika prezidentining mazkur bayonotlari joriy yil boshida Strategik hujum qurollarini qisqartirish to‘g‘risidagi shartnoma amal qilish muddati tugaganidan bir necha oy o‘tib yangradi.
SIPRI ma’lumotlariga ko‘ra, Rossiya saqlanayotgan yadroviy kallaklar soni bo‘yicha ham yetakchilik qiladi. Undan keyin AQSh va Xitoy turadi. Joylashtirilgan yadroviy kallaklar soni bo‘yicha esa AQSh Rossiyadan ko‘proq qurolga ega.
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
Ronalduning sevgilisi Messining oilasiga uchta so‘z bilan murojaat qildi
O‘zbekistonda uch qizdan keyin oila to‘rt nafar o‘g‘il farzand kutayotgani ma’lum bo‘ldi
