Tramp Rossiya aktivlarini musodara qilishi mumkin — OAV

AQSh OAVning yozishicha, Vashingtonda Rossiyaning muzlatilgan aktivlaridan 5 milliard dollarga yaqin mablag‘ni musodara qilish imkoni muhokama qilinmoqda. Ma’lumotlarga ko‘ra, bu faqatgina AQSh Kongressi tegishli qonun loyihasini qabul qilganidan keyin amalga oshirilishi mumkin.

Qonun loyihasi Rossiya aktivlarini Ukraina foydasiga yo‘naltirish tartibini belgilab beradi. Hujjat qabul qilinsa, AQSh ma’muriyatiga aktivlarning yarmini musodara qilishga huquq beriladi.

Shu bilan birga, Donald Trampning mazkur imkoniyatdan foydalanish-faoydalanmasligi hali noma’lumligi ta’kidlanmoqda. Tahlilchilarning fikricha, qaror siyosiy vaziyat va Vashingtonning tashqi siyosat ustuvorliklariga bog‘liq bo‘ladi.