Tramp Putin istagandek ish tutdi

Donald Tramp o‘z prezidentlik muddatining atigi birinchi oyida 29 marta Putin istagandek ish tutdi, deb yozmoqda Politico.

▪️Ukrainadagi harbiy mojaroning boshlanganiga deyarli uch yil to‘lganidan so‘ng, Tramp Putin bilan to‘g‘ridan-to‘g‘ri aloqani tiklashga qaror qildi — 12 fevralda ular 90 daqiqalik suhbat o‘tkazdilar;

▪️Tramp Rossiyani G7 tarkibiga "qaytarishni xohlashini" bildirdi;

▪️AQSh mudofaa vaziri Pit Hegset Ukrainaning barcha hududlarini qaytarib olish istagini rad etib, ular "mavjud voqelikka to‘g‘ri kelmasligini" aytdi;

▪️Tramp Rossiya Ukraina yerlarining sezilarli qismini egallab olgani va endi tinchlik muzokaralarida ustunlikka ega ekanligini ta’kidladi;

▪️Putinning Ukrainada NATO missiyasi bo‘lmasligi kerakligi haqidagi talabi qondirildi. Pit Hegset Ukrainaga alyans qo‘shinlari yuborilgan taqdirda, ular NATO Nizomining 5-moddasiga kirmasligini aytdi;

▪️Ukrainaga AQSh qo‘shinlarini kiritish imkoniyatini rad etdi;

▪️Tramp Yevropani o‘z xavfsizligi haqida mustaqil qayg‘urishga chaqirib, AQSh ularni himoya qilishga majbur emasligini ta’kidladi;

▪️Saudiya Arabistonida Rossiya bilan muzokaralar o‘tkazishga kelishib, Zelenskiy va YEI vakillarini bu jarayonga kiritmadi;

▪️Ukrainani Rossiya bosqinida aybdor deya ko‘rsatdi;

▪️Zelenskiyning legitimligini shubha ostiga oldi, uni "diktator" deb atadi va Ukrainada saylovlar o‘tkazishni talab qildi;

▪️Putinga ishonish mumkinligini hamda "u tinchlik istayotganini" ta’kidladi;

▪️Saylov kuzatuvchilari hamda ularning xavfsizligini ta’minlovchi kiber-agentliklarni moliyalashtirishdan bosh tortdi;

▪️Kelajakda AQSH-Rossiya "investision" bitimlari tuzilishi mumkinligini e’lon qildi;

▪️Tramp ma’muriyati demokratik dasturlarni moliyalashtirishni to‘xtatib, USAID qo‘llab-quvvatlashini qisqartirdi, bu Kremlning "rangli inqiloblar" haqidagi tezisiga mos keladi;

▪️Putinning transgenderlar huquqlari bo‘yicha qarashlariga o‘xshash pozisiyada bo‘lib, ijtimoiy adolat g‘oyasiga qarshi kurashmoqda;

▪️Evropani migrasiya masalasidagi muvaffaqiyatsizliklari uchun tanqid qildi;

▪️Germaniyaning o‘ta o‘nglarga qarshi kurashini keskin ravishda qoralab chiqdi;

▪️Germaniyadagi saylovlarda Rossiyaga moyil AfD partiyasini qo‘llab-quvvatlaganini ma’lum qildi;

▪️Tramp ma’muriyati Ukraina bo‘yicha G7 bayonotidan "Rossiya agressor" iborasini chiqarib tashlashni talab qildi;

▪️Tramp AQSh konstitusiyasiga uchinchi muddat prezidentlik lavozimida qolish imkonini beruvchi o‘zgartish kiritilishiga qarshi emasligiga ishora qildi.