Tramp Putin bilan tezroq uchrashishni istamoqda

AQShning saylangan prezidenti Donald Tramp kelasi hafta lavozimini egallashi bilan Rossiya prezidenti Vladimir Putin bilan "juda tez" uchrashishni rejalashtirganini ma’lum qildi.

Newsmax telekanaliga bergan intervyusida Tramp uchrashuvning aniq muddatini aytmadi. Uning so‘zlariga ko‘ra, uchrashuvni tezlashtirish va mojaroni hal qilishga intilish "jang maydonidagi ko‘p qurbonlar" bilan bog‘liq.

Urushni to‘xtatish bo‘yicha strategiyasi haqidagi savolga javob berar ekan, Tramp faqat bitta strategiya mavjudligini va u "Putinga bog‘liq" ekanini aytdi. "Xo‘sh, faqat bitta strategiya bor va u Putinga bog‘liq. Men uning barcha voqealar qanday kechganidan mamnun ekanini tasavvur qila olmayman, chunki bu uning o‘zi uchun ham unchalik yaxshi bo‘lmadi," dedi respublikachi.

Tramp Putin "uchrashishni xohlayotganini" bilishini aytdi: "Men uning uchrashishni xohlayotganini bilaman va men tez orada uchrashmoqchiman. Men buni oldinroq qilgan bo‘lardim, lekin... lavozimni egallashingiz kerak. Ba’zi ishlar uchun siz u yerda bo‘lishingiz shart."

Uning so‘zlariga ko‘ra, uchrashuvni o‘tkazish va mojaroni hal qilishni tezlashtirishga intilish "jang maydonidagi ko‘p sonli qurbonlar bilan bog‘liq".

Shu bilan birga, bir kun oldin Rossiya prezidenti matbuot kotibi Dmitriy Peskov Putin va Trampning ehtimoliy uchrashuvi joyi haqida gapirish hali erta ekanini ta’kidlagan edi.