Kreml Rossiya prezidenti Vladimir Putin 19–20 may kunlari rasmiy tashrif bilan Xitoyga borishini ma’lum qildi. Tashrif AQSh prezidenti Donald Trampning Pekin safari yakunlanganidan bir necha kun o‘tib bo‘lib o‘tadi.
Rossiya TIV ma’lumotiga ko‘ra, Putin Xitoy raisi Si Szinpin taklifiga binoan tashrif buyuradi. Uchrashuv ikki davlat o‘rtasidagi Do‘stlik va hamkorlik shartnomasi imzolanganining 25 yilligiga bag‘ishlanadi.
Tomonlar «har tomonlama strategik sheriklik»ni yanada chuqurlashtirish, shuningdek xalqaro va mintaqaviy muammolarni muhokama qilishni rejalashtirmoqda. Muzokaralar yakunida qator hukumatlararo va idoralararo hujjatlar imzolanishi kutilmoqda.
Shuningdek, Putin Xitoy Davlat kengashi bosh vaziri Li Syan bilan ham uchrashib, iqtisodiy va savdo hamkorligini muhokama qiladi.
Bu tashrif Donald Trampning Xitoy safari ortidan o‘tkazilmoqda. G‘arb nashrlari qayd etishicha, Tramp Pekindagi muzokaralarda savdo, Ukraina va Eron bilan bog‘liq masalalar bo‘yicha sezilarli natijaga erisha olmagan.
Nurmat Otabekov xantavirus bo‘yicha axborot bilan chiqdi
Yana bir davlat Eronga maxfiy ravishda hujum uyushtirgan
Harbiy qo‘mondonlik Putinni Rossiya armiyasi kuzgacha butun Donbassni egallashiga ishontirdi
