Tramp Kaliforniyadagi yong‘inlardan ko‘rgan zararni yadroviy hujum oqibatlari bilan taqqosladi

Kaliforniyaning Los-Anjeles okrugida davom etayotgan o‘rmon yong‘inlari natijasida kelib chiqqan vayronagarchilik yadroviy zarbadan ko‘ra ko‘proqdir. Bu haqda AQShning saylangan prezidenti Donald Tramp ma’lum qildi.

Newsmax nashriga bergan intervyusida siyosatchi vaziyat televideniyeda ko‘rinib turganidan ham yomonroq ekanini ta’kidladi. "Menimcha, u yerdagi vayronagarchilik ular yadroviy zarbaga uchraganidan ko‘ra kattaroqdir", — dedi Donald Tramp. U kelajakda yong‘in qurbonlari soni sezilarli darajada oshishini bashorat qilgan.