Tramp ikkinchi prezidentlik muddatida rekord darajada ko‘p, 221 ta farmonni imzoladi

Tramp ikkinchi prezidentlik muddatida rekord darajada ko‘p, 221 ta farmonni imzoladi. Bu uning birinchi muddatidagi barcha farmonlar sonidan ko‘p — The Washington Post.

"Donald Tramp ikkinchi muddatining bir yildan kamroq vaqtida butun birinchi muddati davomida imzolaganidan ham ko‘proq farmonlar chiqardi. U AQSh Kongressini chetlab o‘tib harakat qilgani sababli ko‘plab sud jarayonlariga ham sabab bo‘lmoqda", deya yozmoqda nashr.

Ma’lumotlarga ko‘ra, Qo‘shma Shtatlarning amaldagi prezidenti 2025 yil yanvarda o‘z lavozimiga kirishganidan beri umumiy hisobda 221 ta farmon chiqargan. Ular orasida fentanilni “ommaviy qirg‘in quroli” deb tan olish, shuningdek, boj tariflari, immigrasiya va madaniy masalalarga oid choralar ham bor.