Tramp: "Hutiylar ortida Eron turibdi"

AQSh prezidenti Donald Tramp Yamandagi hutiy isyonchi "Ansor Alloh" harakatining hujumlari ortida Eron turganini aytdi.

Bu haqda Amerika yetakchisi Truth Social ijtimoiy tarmog‘ida tegishli xabarni joylashtirgan.

"Hech kim sizni aldashiga yo‘l qo‘ymang! Yamanda joylashgan, Yaman xalqi nafratlanadigan yovuz qaroqchilar va bezorilar tomonidan amalga oshirilgan yuzlab hujumlar Erondan kelib chiqqan va Eron tomonidan yaratilgan. Husiylarning har qanday hujumlari yoki qasoslari katta kuch bilan kutib olinadi va bu kuch shu yerda to‘xtab qolishiga kafolat yo‘q" - deb yozdi davlat rahbari.

Tramp Yamanning “Ansor Alloh” harakatidan hutiylarning barcha hujumlari uchun Vashington Tehronni javobgarlikka tortishini aytdi va Eronni oqibatlari bilan tahdid qildi.

Avvalroq AQSh prezidenti Eron “har bir harakatni buyuradi, Yaman isyonchilarini qurol-yarog‘, mablag‘ va yuqori texnologiyali harbiy jihozlar, shuningdek, razvedka ma’lumotlari bilan ta’minlaydi”, deb ta’kidlagan edi: “Bundan buyon husiylar tomonidan otilgan har bir o‘q Eron qurolidan otilgan o‘q deb hisoblanadi, Eron rahbariyati tomonidan otilgan o‘q, Eron rahbariyati tomonidan otilgan o‘q bo‘lib, buning oqibati og‘ir bo‘ladi”.