Tramp: "Hormuz bo‘g‘ozi - Amerika hududi"

AQSh prezidenti Donald Tramp Hormuz bo‘g‘ozini Amerika hududi deb bilishini aytdi.

Oq uy rahbari Vashingtonning Tehron bilan kelishuvga erishish istagiga shubha bildirdi.

"Ular (Eron tomoni) kelishuvni juda xohlashadi. Biz buni xohlaymizmi yoki yo‘qmi, bilmaymiz, chunki men endi Hormuz bo‘g‘ozini Amerika hududi deb bilaman. Bu Amerika hududi", deb ta’kidladi Tramp.

Shu bilan birga, u AQSh Eronga yadroviy qurol sotib olishga yo‘l qo‘ymasligini yana bir bor ta’kidladi.

"Biz Eronga yadroviy qurol sotib olishga yo‘l qo‘yolmaymiz, aks holda siz juda yoqimsiz oqibatlarga duch kelasiz. Shuning uchun biz aralashdik va ularni to‘xtatdik. Ular hech qachon yadroviy qurolga ega bo‘lmaydi", dedi AQSh prezidenti.

Avvalroq, AQSh vise-prezidenti Jey Di Vens Vashingtonning Eron bilan mojarodagi maqsadlari haqida gapirar ekan, Hormuz bo‘g‘ozida kemalar erkinligi va Tehronning yadroviy qurol sotib olishining oldini olishga ham ishora qilgan edi.