Tramp G20 sammitining Janubiy Afrikada o‘tkazilishini “haqiqiy sharmandalik” deb atadi va hech qaysi amerikalik amaldor u yerga bormasligini aytdi

"G20 sammitining Janubiy Afrika Respublikasida o‘tkazilishi haqiqiy sharmandalik. Afrikanerlar (golland ko‘chmanchilaridan, shuningdek fransuz va nemis muhojirlaridan kelib chiqqan oq tanli xalq) o‘ldirilmoqda, ular qirg‘inlarga uchramoqda, ularning yerlari va fermalari noqonuniy tarzda tortib olinmoqda. Inson huquqlari buzilishi davom etar ekan, AQSh hukumati vakillaridan hech biri bu sammitda ishtirok etmaydi. Men 2026 yilda G20 sammitini Florida shtatining Mayami shahrida o‘tkazish imkonini intiqlik bilan kutyapman" — deb yozdi AQSh prezidenti Truth Social ijtimoiy tarmog‘idagi sahifasida.