Tramp: "Eron hukumatining iltimosiga binoan, energetika inshootlarini yo‘q qilishni 10 kunga to‘xtatib turaman"

AQSh prezidenti Donald Tramp Eron energetika inshootlariga zarbalarni yana 10 kunga to‘xtatish to‘g‘risida buyruq berganini e’lon qildi.

Bu haqda Amerika yetakchisi Truth Social ijtimoiy tarmoq sahifasida yozdi.

"Eron hukumatining iltimosiga binoan, men [Eronning] energetika inshootlarini yo‘q qilishni 2026 yil 6 aprel, dushanba kuni soat 20:00 gacha 10 kunga to‘xtatib turaman. Muzokaralar davom etmoqda va soxta yangiliklar ommaviy axborot vositalari va boshqalarning noto‘g‘ri da’volariga qaramay, ular juda yaxshi ketmoqda", deb ta’kidladi Tramp.

23 mart kuni AQSh prezidenti harbiylarga Eronning energetika infratuzilmasiga zarbalarni besh kunga kechiktirishni buyurganini e’lon qildi. Shunga qaramay, Oq uy rahbari Vashington va Tehron harbiy harakatlarga chek qo‘yish bo‘yicha "juda yaxshi va samarali muzokaralar" o‘tkazganini xabar qildi.