Tramp davrida NATO parchalanishi mumkin

NATOning sobiq bosh kotibi Yens Stoltenberg AQSh prezidenti Donald Trampning amaldagi prezidentlik davrida NATOning parchalanishi ehtimolini istisno qilmadi.

U Kanadaning Si-bi-si telekanaliga bergan intervyusida NATO Trampdan uzoqroq yashashiga kafolat yo‘qligini aytdi, biroq baribir alyans saqlanib qolishiga ishonishini ta’kidladi.

Stoltenbergning so‘zlariga ko‘ra, Trampning tanqidi asosan NATOga emas, balki ayrim ittifoqchi davlatlarning alyansga yetarlicha sarmoya kiritmayotganiga qaratilgan. Uning ta’kidlashicha, bu holat so‘nggi yillarda o‘zgara boshlagan va o‘zgarish davom etmoqda.