Tramp Baydenning xavfsizlik ruxsatnomasini bekor qildi

AQSh prezidenti Donald Tramp o‘zidan oldingi Jo Baydenni maxfiy ma’lumotlarga kirish huquqidan mahrum qildi.

Bu haqda Oq uy matbuot xizmati xabar berdi.

Taqiq Bayden oilasining barcha a’zolariga, shuningdek, AQShning avvalgi ma’muriyatining bir qator yuqori martabali amaldorlariga ham ta’sir ko‘rsatdi.

Prezidentning departament va agentlik rahbarlariga yo‘llagan eslatmasida shunday deyilgan: "Men maxfiy ma’lumotlarga kirish endi milliy manfaatlarga to‘g‘ri kelmasligini aniqladim".

Kirish taqiqlanganlar ro‘yxatiga, xususan, sobiq vise-prezident Kamala Xarris, Davlat kotiblari Entoni Blinken va Xillari Klinton, milliy xavfsizlik bo‘yicha maslahatchi Jeyk Sallivan va boshqalar kiradi.

Shuningdek, ular Amerikaning himoyalangan saytlariga kirishlari ham cheklangan.