The Atlantic nashri manbalariga tayangan holda yozishicha, Oq uy ertaga muddati tugaydigan, Afg‘oniston va Pokistondagi bolalar uchun mo‘ljallangan 500 tonnaga yaqin yuqori kaloriyali pechenyeni yoqib yuborishga buyruq bergan.
Bu holat USAID (AQShning xalqaro yordam agentligi) faoliyati to‘xtagani bilan bog‘liq. 800 ming dollarlik bu pechenye 1,5 million bolani bir hafta davomida oziqlantirishga yetar edi. Bu turdagi oziq-ovqat odatda tabiiy ofatlar yoki harbiy harakatlar tufayli uy-joyidan ayrilgan odamlarga tarqatiladi.
Rasmiylar uni yuborishni so‘rashgan, ammo pechenye Dubaydagi omborda qolib ketgan.
