Tramp AQSh va Kanada o‘rtasida neft tashish uchun yangi ruxsatnomalarni tasdiqladi

AQSh prezidenti Donald Tramp Qo‘shma Shtatlar va Kanada o‘rtasida neft va neft mahsulotlarini tashish bilan bog‘liq bir nechta ruxsatnomalarni imzoladi.

Bu haqda Oq uy tegishli hujjatlarni e’lon qildi.

Ma’lumotlarga ko‘ra, ruxsatnomalardan biri Shimoliy Dakota shtatining Burke okrugida quvur liniyasi infratuzilmasini qurish, ulash, ishlatish va texnik xizmat ko‘rsatish uchun Bakken Pipeline Company LPga berilgan.

Bundan tashqari, Bakken Pipeline Company LP shu okrugda mavjud quvur liniyasi inshootlarini ishlatish va texnik xizmat ko‘rsatish uchun alohida ruxsatnoma oldi.

Enbridge Energy sub’ektlariga qo‘shimcha ikkita ruxsatnoma berildi. Ular Michigan shtatining Sent-Kler okrugi va Shimoliy Dakota shtatining Pembina okrugidagi mavjud quvur liniyasi inshootlarini ishlatish va texnik xizmat ko‘rsatish bilan bog‘liq.

Ushbu ruxsatnomalar AQSH-Kanada chegarasi orqali xom neft va neft mahsulotlarini tashishni osonlashtirishga qaratilgan.