Tramp: "AQSh iqtisodiyotiga 18 trillion dollar investisiya jalb qilindi"

AQSh prezidenti Donald Tramp o‘zining birinchi yilida Amerika iqtisodiyotiga taxminan 18 trillion dollar investisiya jalb qilinganini aytdi.

Tramp bu taxminni Vashingtonda voyaga yetmaganlar uchun jamg‘arma hisobvaraqlarini ochish tashabbusiga bag‘ishlangan nutqida aytdi.

"Amerika qaytdi. 2024 yil noyabr oyidagi prezidentlik saylovlaridan beri fond bozorlari 52 ta rekord ko‘rsatkichni o‘rnatdi va 9 trillion dollar qo‘shdi. Bu mamlakatga 18 trillion dollar investisiya kelmoqda va bundan ham ko‘proq investisiya kelmoqda”, dedi Tramp.

Oq uy rahbari bu investisiya darajasini “aql bovar qilmaydigan” deb atadi. “Eng yuqori iqtisodiyotga yillik investisiya 3 trillion dollar edi va bu o‘n yil oldin edi va bu bizning mamlakatimiz emas, boshqa mamlakat edi. Va bizda 18 trillion dollar bor va butun mamlakat bo‘ylab minglab bizneslar, ulkan fabrikalar qurilmoqda”, deb qo‘shimcha qildi Amerika yetakchisi.