Toshkentning 10 ta tuman hokimiga nisbatan xizmat tekshiruvi o‘tkaziladi

Toshkentda o‘n ta tuman hokimiga nisbatan xizmat tekshiruvi o‘tkaziladi. Bu haqda poytaxt hokimi Shavkat Umurzoqovning farmoyishida aytilgan.

Tekshiruv o‘tkazishga korrupsiyaga qarshi kurashish agentligining taqdimnomasi asos bo‘ldi.

Xususan, tekshiruv Bektemir, Mirobod, Mirzo Ulug‘bek, Olmazor, Sergeli, Uchtepa, Chilonzor, Shayxontohur, Yunusobod va Yashnabod tumanlari hokimlariga daxldor bo‘ladi.

Hujjat bilan maxsus shahar komissiyasi tarkibi tasdiqlandi. Unga agentlik taqdimnomasida keltirilgan vajlarni xolisona o‘rganib chiqish va tegishli xulosalarni rasmiylashtirish topshirildi.

Zarurat tug‘ilganda tekshiruvga sohaviy tashkilot va idoralar mutaxassislari jalb etilishi mumkin.