Toshkent shahar FVB xabariga ko‘ra, bugun 18 sentyabr kuni soat 07:28 da Olmazor tumani Usta Shirin ko‘chasida joylashgan, mebel ishlab chiqarish korxonalarining birida yong‘in bo‘layotganligi to‘g‘risida, Toshkent shahar FVBga xabar kelib tushgan.
Yong‘in qutqaruv ekipajlari etilgan manzilga soat 07:34 da yetib borishgan, yong‘in soat 08:56 da batamom o‘chirilgan.
Yong‘in natijasida tan jarohati olgan va vafot etgan fuqarolar to‘g‘risida xabar kelib tushmadi. Voqea joyiga Toshkent shahar FVB rahbariyati hamda mas’ul tashkilotlarning vakillari chiqqan.
