Toshkent shahri, Yakkasaroy tumanidagi Bobur ko‘chasining bir qismi avtomobillar harakati uchun 18 sentyabrdan 15 oktyabrgacha vaqtincha cheklanadi. Bu haqda “Toshkent shahar elektr tarmoqlari” MCHJ matbuot xizmati xabar berdi.
Foto: “Toshkent shahar elektr tarmoqlari” MCHJ matbuot xizmati
Ma’lum qilinishicha, bunga Bobur ko‘chasi Shota Rustaveli ko‘chasi bilan kesishmasidan Nukus ko‘chasi bilan kesishmasigacha bo‘lgan qismida 110 kV li yuqori kuchlanishli yerosti elektr uzatish kabel tarmoqlarini o‘tkazish ishlari amalga oshirilishi sabab bo‘ladi.
Shu bois Bobur ko‘chasining ushbu qismida avtotransport vositalarining harakati cheklanadi.
O‘zbekistonga yana qorli sovuq havo kirib kelmoqda
Propan narxi tushishda davom etmoqda, benzin esa....
Suriyaliklar pul to‘la qoplar bilan banklarga bostirib kirishmoqda
