Toshkentda Spark va Captiva o‘rtasida YTH sodir bo‘ldi

Toshkent shahar IIBB YHXB Axborot xizmatining xabariga ko‘ra, joriy yilning 13 noyabr kuni soat 21:00 larda Yunusobod tumani KXAY ko‘chasi Minor masjidi qarshisida haydovchi 1990 yilda tug‘ilgan N.X. boshqaruvidagi Spark rusumli transport vositasi va 2004 yilda tug‘ilgan S.A. boshqaruvidagi Captiva rusumli transport vositalari to‘qnashishi oqibatida yo‘l-transport hodisasi sodir bo‘lgan.

YTH natijasida, Spark transport vositasining haydovchisiga birinchi tibbiy yordam ko‘rsatish maqsadida shifoxonaga olib ketilgan.

Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.