Kuni kecha Toshkentda SHHT kotiblarining uchrashuvi bo‘lib o‘tdi. Uchrashuvda Kinematografiya agentligi Xalqaro bo‘limi vakillari ham ishtirok etib, 14-18 sentyabr kunlari o‘tkaziladigan Toshkent xalqaro kinofestivali bo‘yicha taqdimot o‘tkazishdi.
Uchrashuvda shuningdek, sammit doirasida tashkil etilishi kutilayotgan tadbir va uchrashuvlar haqida ham so‘z bordi. Kinofestival doirasida SHHTga a’zo davlatlar milliy filmlarining namoyishi tashkil etilishi kelishib olindi.
Bundan tashqari, kelgusida kinematografiya sohasida ko-produksiyalar ishlab chiqarish, madaniy aloqalarni yanada mustahkamlash bo‘yicha muzokaralar olib borildi.
