Toshkent shahrida 86 ta pulli parkovka uchastkasini ijaraga berish bo‘yicha auksion bo‘lib o‘tdi. Auksionda 120 mlrd so‘m taklif bilan Balcomuz MCHJ qo‘shma korxonasi g‘olib bo‘lgan. Boshlang‘ich narxi 57 mlrd so‘m edi.
MCHJning 60% ulushi Balcom Co.Ltd (Yaponiya) kompaniyasiga, 20%i Nuriddinov Avazbek Shokirjon o‘g‘liga, 10%i Akramov Bobur Axatovichga hamda qolgani (10%) Hoshimov Anvar Olim o‘g‘liga tegishli.
Kompaniya saytida aytilishicha, ular restoran (Flamingo), IT, qurilish, konsalting va ko‘ngilochar xizmatlar (Central Park) bozorida faoliyat yuritadi.
