Toshkentda "otopleniya" qachon yoqilishi noma’lum

Toshkent shahrida isitish tizimi faoliyati 10 noyabrdan tiklanishi haqida xabarlar tarqaldi.

«Veolia Energy Tashkent» MCHJning «Bugun.uz»ga ma’lum qilishicha, poytaxtda issiqlik ta’minoti 10 noyabrdan tiklanishi haqida rasmiy ma’lumot mavjud emas. «Otopleniye» tizimi ish boshlashining taxminiy sanasi ham aniq emas.

Hozirda isitish tizimlari faoliyat boshlashi uchun mas’ul tashkilotlarning qarori kutilmoqda. Tashkilot matbuot kotibining ta’kidlashicha, rasmiy ma’lumot bo‘lishi bilan MCHJning sahifalarida e’lon qilinadi.