Mast holatda o‘zining tanishini o‘lgunicha do‘pposlagan 53 yoshli fuqaro qamoqqa olindi.
7 news.uz ning yozishicha, huquqni muhofaza qilish organlaridagi manbaning xabar berishicha, 9 fevral kuni kechasi taxminan soat 23:00da mast holatdagi fuqaro R.K. poytaxtdagi uylarning birida fuqaro I.S.ni vahshiylarcha do‘pposlagan.
Olingan jarohatlar oqibatida fuqaro I.S. vafot etgan.
Mazkur holat yuzasidan R.K.ga nisbatan Jinoyat kodeksining 104-moddasi 3-qismi bilan jinoiy ish qo‘zg‘atilgan. Tergov harakatlari olib borilmoqda.
Qayd etib o‘tamiz, qo‘lga olingan fuqaro R.K. 2011 yilda O‘zR JKning 118-moddasi (zo‘rlash) bilan ozodlikdan mahrum etilgan.