30 oktyabr kuni soat 00:43 da Toshkent mintaqasi temir yo‘l transportida XTBga, “Angren-Obliq” temir yo‘l bekatlari oralig‘i 109-km., 9-to‘siqda “Angren-Chuqursoy” yo‘nalishidagi yuk poyezdi harakatlanib ketayotgan vaqtida havo magistral tormozini noma’lum shaxs tomonidan tortilishi sababli soat 00:27da to‘xtaganligi haqida xabar kelib tushdi.
Olib borilgan surishtiruv ishlari natijasida, ushbu poyezdning havo magistral kranini yopib to‘xtatgan shaxs 1995 yilda tug‘ilgan, Toshkent viloyati, Angren shahar, Turkiston ko‘chasida yashovchi, X.F. ekanligi aniqlangan. Keltirilgan zarar miqdori aniqlanmoqda.
Holat yuzasidan surishtiruv ishlari davom etmoqda.