Bu haqda "Toshkent-AERO" ixtisoslashtirilgan bojxona kompleksi axborot xizmati xabar berdi.
Shu yilning 17 sentyabr kuni "Islom Karimov nomidagi "Toshkent" xalqaro aeroporti" chegara-bojxona posti xodimlari tomonidan "Ekaterinburg-Toshkent" yo‘nalishi bo‘yicha uchib kelgan fuqaroning 1 dona yashil rangli yo‘l sumkasi tegishli tartibda tekshirildi.
Natijada sumka ichidan bojxona nazoratiga belgilangan tartibda taqdim etilmagan, og‘zaki so‘rovda ma’lum qilinmagan, ichki ishlar organlarining tegishli ruxsatnomalarisiz bo‘lgan 1 dona "STALKER" pnevmatik to‘pponchasi hamda 860 dona o‘qlar borligi aniqlandi.