Toshkent viloyatining Yangiyo‘l shahri Kamolot ko‘chasidagi 8 qavatli, 48 xonadonga mo‘ljallangan binoning qurilish-montaj ishlari qurilish talablariga zid ravishda amalga oshirilgani aniqlandi.
Qurilish va uy-joy kommunal xo‘jaligi vazirligining xabar berishicha, Yangiyo‘l shahri Kamolot ko‘chasidagi ko‘p qavatli turarjoy binosi sifatsiz qurilayotgani aniqlangan va unda olib borilayotgan qurilish ishlari to‘xtatilgan.
Qayd etilishicha, qurilayotgan ko‘p qavatli binong ajratma devorlarida g‘isht terish ishlari belgilangan me’yorlar asosida terilmagan. Bundan tashqari, g‘isht terish mobaynida qurilish setkalari ishlatilmagan. Bu esa ob’ektda texnik va ichki nazorat ishlamaganini ko‘rsatadi.
Aniqlangan kamchiliklar bo‘yicha mas’ullarga ko‘rsatmalar berilgan va ular ma’muriy jarimaga tortilishi belgilangan. Bino texnik tekshiruvdan o‘tkazilgunga qadar qurilish ishlari to‘xtatilgan.
Havo harorati asta-sekin ko‘tarilishi kutilmoqda
AQSh Ukrainaning Rossiya hujumini to‘xtata olmasligini e’lon qildi
AQSh dollari ko‘tarilishda davom etmoqda
