Afg‘onistonda «Tolibon» hukumati Britaniyaning BBC teleradiokorporasiyasiga tegishli FM radioeshittirishlarni mamlakat bo‘ylab vaqtincha to‘xtatdi. Bu haqda Reuters xabar berdi.
BBC vakili korporasiya vaziyatni hal qilish va radioeshittirishlarni qayta tiklash maqsadida Afg‘oniston rasmiylari bilan muloqot olib borayotganini ma’lum qildi.
«Afg‘oniston bo‘ylab millionlab odamlar ishonchli yangilik va ma’lumot olish uchun BBC’ga tayanadi. Biz vaziyatni hal qilish maqsadida rasmiylar bilan ishlayapmiz», — deyiladi korporasiya bayonotida.
«Tolibon» hukumati Axborot va madaniyat vazirligi matbuot kotibi Xubib G‘ufron BBC faoliyati «takroriy qoidabuzarliklar» sababli vaqtincha to‘xtatilganini aytdi. Biroq u aynan qanday talablar buzilgani haqida batafsil ma’lumot bermadi.
Hozircha radioeshittirishlar qachon qayta tiklanishi ma’lum emas. BBC esa Afg‘oniston tomoni bilan muzokaralarni davom ettirmoqda.
MrBeast: “O‘zbekistonda muxlislarim shu qadar ko‘pki, balki ketishimizga to‘g‘ri kelar”
Germaniya Rossiya bilan dizel yoqilg‘isi yetkazib berish bo‘yicha kelishuv tuzishni taklif qildi
AQSh Rossiya neftni qayta ishlash zavodlariga qilingan zarbalar tufayli Ukrainaga qurol yetkazib berishni to‘xtatish bilan tahdid qilmoqda
