Rossiyalik olimlar xalqaro guruh tarkibida midiya chig‘anoqlaridan rekonstruktiv jarrohlik uchun maxsus biomaterial olishdi.
Tadqiqotlarga ko‘ra, u tirik organizmlar uchun xavfsizdir va tarkibiga magniy ionlari qo‘shilishi unga antibakterial xususiyat beradi, demoqda Dori-Darmon" AK matbuot xizmati .
Tadqiqotchilarning fikriga ko‘ra, kelajakda ushbu material stomatologiya va implantologiyada qo‘llaniladi.
Gidroksiapatit - suyaklar va tishlar tarkibidagi asosiy mineral bo‘lib, yuz-jag‘ jarrohligi, stomatologiya va ortopediyada foydalaniladi. Bundan tashqari, emalni mustahkamlash uchun tish pastasiga qo‘shiladi. Uni ishlab chiqarish uchun hozirgi vaqtda tuxum qobig‘i, mercan, baliq suyaklari va boshqa turdagi biologik xom ashyolardan foydalanilmoqda. Biroq sintezning murakkabligi tufayli ommaviy ishlab chiqarish qiyin deb hisoblanadi.
Olimlar gidroksiapatitni oddiy biologik chiqindilardan- midiya chig‘anoqlari qoldig‘idan olishning oson usulini topishdi.
