The Washington Post 36 yil ichida birinchi marta AQSh saylovlarida hech bir nomzodni qo‘llab-quvvatlamayapti

Amazon bosh direktori Jeff Bezosga tegishli bo‘lgan liberal The Washington Post gazetasi 1988 yildan beri birinchi marta Qo‘shma Shtatlardagi prezidentlik saylovlarida hech bir nomzodni qo‘llab-quvvatlashini bildirmaydi.

The New York Times Xarrisni ma’qullaganidan so‘ng, The Washington Post bosh muharriri Uilyam Lyuis uning gazetasi ikkala nomzodni ham qo‘llab-quvvatlamasligini aytdi.

Lyuisning aytishicha, gazeta mustaqil bo‘lib qolishi va o‘z o‘quvchilariga o‘z fikrini shakllantirishga imkon berishi kerak.

Uning ta’kidlashicha, The Washington Post dastlab prezidentlik saylovlarini qo‘llab-quvvatlamagan va bu amaliyotni faqat 1976 yilda boshlagan. Faqat 1988 yilda Jorj H. V. Bush (respublikachi) va Maykl Dukakis (demokrat) saylovlari paytida gazeta tavsiyalar berishdan o‘zini tiya oldi.

Lyuis, shuningdek, gazeta kelajakda prezidentlikka nomzodlarni qo‘llab-quvvatlamasligini ham e’lon qildi. Federal, shtat va mahalliy idoralar uchun o‘tkazilgan aksariyat saylovlarda The Washington Post Demokratik nomzodlarni qo‘llab-quvvatladi, faqat vaqti-vaqti bilan respublikachilarni qo‘llab-quvvatladi.

The Washington Post nashri bosh muharririning maqolasidan tashqari, ismi sir qolishni istagan ikki xodimga iqtibos keltirgan holda yana bir material chop etdi. Ularning ta’kidlashicha, Kamala Xarrisni qo‘llab-quvvatlovchi matn allaqachon tayyorlangan, biroq birorta nomzodni qo‘llab-quvvatlamaslik haqidagi qarorni go‘yoki Amazon asoschisi Jeff Bezosning o‘zi qabul qilgan. Bu masala bo‘yicha The Washington Post dan hech qanday rasmiy izoh yo‘q edi, muharrirlar shunchaki Lyuisning maqolasiga murojaat qilishdi.

Tahririyat kengashi va nomzodlarni qo‘llab-quvvatlash bo‘yicha qarorlar qabul qilish jarayoni rasmiy ravishda yangiliklar bo‘limidan alohida, biroq The Washington Post gazetasining jurnalistlar hamjamiyati rahbariyat tahririyat ishlariga aralashgani haqida xavotir bildirdi.

Donald Tramp prezidentligi davrida gazetani boshqargan va 2021 yilda nafaqaga chiqqan sobiq bosh muharrir Martin Baron bu qarorni «qo‘rqoqlik» deb atadi. Uning fikricha, Tramp buni Bezos va boshqa OAV egalarini yanada qo‘rqitish uchun chaqiriq sifatida qabul qiladi.